ព្រះជាម្ចាស់ដ៏ជាព្រះវរបិតាបានបង្កើតយើងមកឲ្យក្លាយជាកូនរបស់ទ្រង់។
គួរឲ្យសោកស្តាយអំពើបាបបានបំបែកយើងចេញពីព្រះវរបិតារបស់យើង។
ទោះជាយ៉ាងណាក៏ដោយព្រះវរបិតានៅតែស្រឡាញ់យើង និងបានចាត់បញ្ជូនព្រះរាជបុត្រា ព្រះនាមថា យេស៊ូ(ព្រះមេស្ស៊ី ព្រះសង្រ្គោះ) ដើម្បីនាំយើងវិលត្រលប់ទៅរកទ្រង់វិញ។
ព្រះយេស៊ូមានព្រះបន្ទូលថា៖ «ខ្ញុំហ្នឹងហើយជាផ្លូវ ជាសេចក្ដីពិត និងជាជីវិត។ គ្មាននរណាម្នាក់អាចទៅកាន់ព្រះបិតាឡើយ លើកលែងតែទៅតាមរយៈខ្ញុំ»។
ព្រះយេស៊ូជាផ្លូវតែមួយគត់ ពីព្រោះ ព្រះជាម្ចាស់បានធ្វើឲ្យព្រះយេស៊ូ ជាអង្គមិនដែលប្រព្រឹត្តបាបសោះ ក្លាយជាតួបាបដោយសារបាបរបស់យើង ដើម្បីឲ្យយើងត្រូវបានរាប់ជាសុចរិតវិញ។
កន្សែងស្អាតមួយ អាចជម្រះភាពកខ្វក់វត្ថុមួយបានស្អាតល្អ។ ភាពកខ្វក់នៃវត្ថុនោះត្រូវបានជម្រះចេញ ឯភាពកខ្វក់នោះក៏ត្រូវបានផ្ទេរទៅប្រឡាក់នៅលើកន្សែងវិញ។
ព្រះលោហិតរបស់ព្រះយេស៊ូ គឺជាកន្សែងនោះដែលជម្រះភាពកខ្វក់នៃបាបរបស់យើង ហើយធ្វើឲ្យយើងបានស្អាតល្អ។
ការដាក់ទោសសម្រាប់បាបនោះតែងតែជាសេចក្ដីស្លាប់ គឺជាសេចក្តីស្លាប់អស់កល្បជានិច្ច។
ដោយសារសេចក្ដីស្រឡាញ់ដ៏ធំធេងរបស់ព្រះជាម្ចាស់ចំពោះយើង ព្រះយេស៊ូបានសុគតនៅលើឈើឆ្កាងជំនួសយើងដើម្បីប្រទានឲ្យយើងមានជីវិត គឺជាជីវិតអស់កល្បជានិច្ច។
ព្រះយេស៊ូគ្មានបាបសោះ
ព្រះវរបិតាបានប្រោសព្រះយេស៊ូឲ្យមានព្រះជន្មរស់ពីសុគតឡើងវិញ ដូចបានកត់ទុកជាច្រើនសតវត្សមកហើយដោយពួកហោរាជាច្រើនដែលមាននៅក្នុងកណ្ឌគម្ពីហេព្រើរ បានអះអាងយ៉ាងច្បាស់ថាទ្រង់គ្មានបាបសោះ ហើយព្រះអង្គសមបំផុតធ្វើជាព្រះសង្គ្រោះរបស់អ្នកជារៀងរហូតតទៅ។
ដូច្នេះហើយ ចូរកែប្រែចិត្ត ហើយត្រលប់ទៅរកព្រះអង្គវិញ ទើបបាបរបស់អ្នកត្រូវបានជម្រះចេញ និងជាពេលវេលាត្រលប់មក នៅក្នុងព្រះវត្តមានរបស់ទ្រង់ជាថ្មី។ អស់អ្នកណាដែលជឿលើព្រះយេស៊ូ ទទួលបាននូវការអត់ទោសពីបាប។
ព្រះយេស៊ូជាផ្លូវដើម្បីឲ្យយើងមានបទពិសោធន៍ជីវិតថ្មីក្នុងពេលឥឡូវនេះ ជាជីវិតមួយដែលកើតមកពីព្រះជាម្ចាស់ តាមរយៈព្រះវិញ្ញាណរបស់ទ្រង់។
សូមអធិស្ឋាន ទៅកាន់ព្រះវរបិតានៅស្ថានសួគ៌ ហើយទូលសុំឲ្យទ្រង់សង្រ្គោះអ្នក។
ចូរទទួលជឿព្រះយេស៊ូជាព្រះរាជបុត្រារបស់ព្រះជាម្ចាស់ក្នុងពេលឥឡូវនេះ ជាព្រះសង្គ្រោះ និងជាព្រះអម្ចាស់ នោះព្រះបន្ទូលសន្យាពីពេលវេលាត្រលប់មកនៅក្នុងព្រះវត្តមានរបស់ទ្រង់ជាថ្មី នឹងបានប្រទានមកអ្នក។
កុំបង្អង់។ កុំមានភាពភ័យខ្លាចឡើយ។
ព្រះគម្ពី រ៉ូម ជំពូក៥ខ១ «ដូច្នេះ យើងត្រូវបានរាប់ជាសុចរិតដោយសារជំនឿ នោះយើងមានសន្ដិភាពជាមួយព្រះជាម្ចាស់តាមរយៈព្រះយេស៊ូគ្រិស្ត ជាព្រះអម្ចាស់នៃយើង»។
ស្វែងយល់បន្ថែមទៀត
ជំហានបន្ទាប់
ដូច្នេះអ្នកបានអធិស្ឋានទទួលជឿព្រះអង្គជាព្រះសង្រ្គោះ និងជាព្រះអម្ចាស់រួចហើយ។ អ្នកនឹងមិនដែលសោកស្ដាយឡើយ! ជីវិតអស់កល្បជានិច្ចថ្មីមួយរបស់អ្នកក្នុងព្រះគ្រិស្តបានចាប់ផ្ដើម និងឈានទៅមុខហើយ។ ប្រសិនបើអ្នកមិនទាន់បានទទួលជឿព្រះយេស៊ូនៅឡើយ សូមអានឡើងវិញត្រង់ចំណុចខាងលើ។ កិច្ចការបន្ទាប់នៅខាងក្រោមនេះ គឺសម្រាប់អស់អ្នកដែលបានទទួលជឿលើព្រះយេស៊ូរួចហើយ។ ប្រសិនបើអ្នកចង់ស្គាល់ព្រះអង្គបន្ថែមទៀត ដំបូងអ្នកអាចអានអំពីព្រះអង្គនៅក្នុងព្រះគម្ពីរបាន ជាពិសេសគឺក្នុងកណ្ឌសម្ពន្ធមេត្រីថ្មី។
តើនឹងមានអ្វីបន្ទាប់?
ជីវិតរបស់អ្នកអាចនឹងផ្លាស់ប្តូរ ដូចបទពិសោធន៍តាមលំដាប់នៃអ្វីៗខាងក្រោមនេះ។ កុំបារម្ភ។ ចូរចុចអានបន្តទៀត។
ប្រាប់ទៅកាន់នរណាម្នាក់ថាអ្នកទទួលជឿព្រះយេស៊ូ
វាពិតជាមានសារៈសំខាន់ណាស់ដែលអ្នកចែករំលែកអំពីការសម្រេចចិត្តរបស់អ្នកទៅកាន់នរណាម្នាក់។ តើអ្នកឲ្យតម្លៃទៅកាន់ព្រះយេស៊ូកម្រិតណានោះ គឺត្រូវបានមើលឃើញក្នុងជំហាននេះហើយ។ សូមពិចារណាព្រះបន្ទូលរបស់ព្រះអង្គដូចខាងក្រោមនេះ។
ព្រះយេស៊ូ:
ម៉ាថាយ ជំពូក ១០ ខ ២៨-៣៣ ២៨ «កុំខ្លាចអស់អ្នកដែលសម្លាប់ត្រឹមតែរូបកាយ ហើយពុំអាចសម្លាប់ព្រលឹងនោះឲ្យសោះ គឺត្រូវខ្លាចព្រះជាម្ចាស់វិញ ព្រោះព្រះអង្គអាចធ្វើឲ្យទាំងព្រលឹង ទាំងរូបកាយ ធ្លាក់ទៅក្នុងភ្លើងនរកបាន។ ២៩ ធម្មតាគេលក់ចាបពីរថ្លៃមួយសេន។ ទោះបីថោកយ៉ាងនេះក៏ដោយ ប្រសិនបើព្រះបិតារបស់អ្នករាល់គ្នាមិនយល់ព្រមទេនោះ ក៏គ្មានចាបណាមួយធ្លាក់ចុះដល់ដីឡើយ។ ៣០ រីឯអ្នករាល់គ្នាវិញ សូម្បីតែសក់នៅលើក្បាលអ្នករាល់គ្នាក៏ព្រះអង្គរាប់អស់ ដែរ។ ៣១ ដូច្នេះ ចូរអ្នករាល់គ្នាកុំខ្លាចអ្វីឡើយ ព្រោះអ្នករាល់គ្នាមានតម្លៃលើសចាបទាំងអស់ទៅទៀត។ ៣២ អ្នកណាទទួលស្គាល់ខ្ញុំនៅចំពោះមុខមនុស្សលោក ខ្ញុំនឹងទទួលស្គាល់អ្នកនោះវិញ នៅចំពោះព្រះភ័ក្ត្រព្រះបិតារបស់ខ្ញុំ ដែលគង់នៅស្ថានសួគ៌។ ៣៣ រីឯអ្នកណាបដិសេធមិនទទួលស្គាល់ខ្ញុំនៅចំពោះមុខមនុស្សលោក ខ្ញុំក៏បដិសេធមិនទទួលស្គាល់អ្នកនោះនៅចំពោះព្រះភ័ក្ត្រព្រះបិតារបស់ខ្ញុំ ដែលគង់នៅស្ថានសួគ៌ដែរ»។
សាវកយ៉ូហានៈ
យ៉ូហាន ជំពូក១២ ខ ៤២-៤៣ ៤២ ក្នុងចំណោមអ្នកដឹកនាំ មានគ្នាច្រើននាក់ជឿលើព្រះអង្គដែរ ប៉ុន្តែ អ្នកទាំងនោះពុំហ៊ានប្រកាសជំនឿរបស់ខ្លួនឡើយ ព្រោះខ្លាចពួកខាងគណៈផារីស៊ី និងខ្លាចគេដេញចេញពីសាលាប្រជុំ ៤៣ ដ្បិតពួកគេចូលចិត្តទទួលសិរីរុងរឿងពីមនុស្សជាជាងទទួលសិរីរុងរឿងពីព្រះជាម្ចាស់។
ដើរតាមព្រះយេស៊ូ
នៅក្នុងថ្ងៃដែលព្រះយេស៊ូបានបំពេញពេលវេលារបស់ទ្រង់ ជាព្រះរាជបុត្រារបស់ព្រះជាម្ចាស់នៅលើផែនដី នៅជាសាច់ឈាម គឺជារូបកាយដែលព្រះបិតាបានប្រទានឲ្យ ទ្រង់តែងមានព្រះបន្ទូលថា៖ «ចូរមកតាមខ្ញុំ»។ វាពិតជាមានន័យណាស់សម្រាប់អ្នកដែលមានរូបកាយនៅក្បែរព្រះយេស៊ូ និងមានរូបកាយដើរតាមព្រះអង្គ ប្រៀបដូចជាសត្វចៀមដើរតាម អ្នកគង្វាលអញ្ចឹងដែរ។
ក្នុងចំណោមយើងដែលបានទទួលជឿព្រះយេស៊ូ ជាព្រះសង្គ្រោះ និងជាព្រះអម្ចាស់របស់យើង នៅក្នុងពេលវេលារបស់យើងនេះ យើងក៏បានទទួលការត្រាស់ហៅពីព្រះយេស៊ូដូចគ្នាដែរថា៖ «ចូរមកតាមខ្ញុំ»។
ដូច្នេះ តើយើងត្រូវដើរតាមព្រះយេស៊ូដោយរបៀបណាឥឡូវនេះ បើទ្រង់បានមានព្រះជន្មរស់ឡើងវិញ និងបានយាងទៅគង់នៅជាមួយព្រះបិតាហើយនោះ?
ព្រះយេស៊ូបានយាងមកដើម្បីឲ្យយើងមានជីវិត ជាជីវិតថ្មី កើតឡើងដោយព្រះវិញ្ញាណ។ ជីវិតថ្មីរបស់យើងជាមួយព្រះយេស៊ូ ក្នុងការដើរតាមទ្រង់ គឺជាការដើរខាងវិញ្ញាណ។ ត្រូវតែប្រាកដថាយើងបន្តរស់នៅក្នុងរូបកាយជាមនុស្សរបស់យើង រហូតដល់ព្រះបិតានាំយើងទៅផ្ទះជាមួយនឹងទ្រង់ នោះជាពេលដែលយើងស្លាប់ទៅ តាមពេលវេលាកំណត់របស់ព្រះអង្គ។ ប៉ុន្ដែពេលដែលយើងបានទទួលជឿព្រះយេស៊ូដោយស្មោះអស់ពីចិត្ត វិញ្ញាណរបស់យើងដែលនៅក្នុងរូបកាយរបស់យើង ត្រូវបានប្រោសឲ្យរស់ឡើងវិញ។ នេះគឺជាការចាប់ផ្ដើមមួយ។ ដើម្បីមានបទពិសោធន៍លូតលាស់ខាងឯវិញ្ញាណ យើងអាចដើរតាមព្រះអង្គដូចចំណុចខាងក្រោមនេះ។
ការប្រកបជាមួយនឹងព្រះជាម្ចាស់
អធិស្ឋានៈ
ការអធិស្ឋានជាប្រចាំថ្ងៃគឺជាអំណោយដ៏អស្ចារ្យ ជាឱកាសដ៏ធំមួយក្នុងការមានទំនាក់ទំនងជាមួយនឹងព្រះជាម្ចាស់។ ពាក្យអធិស្ឋាន ត្រូវបានសរសេរឡើងជាច្រើនដងនៅក្នុងព្រះគម្ពីរ។ ទ្រង់សព្វព្រះហឫទ័យយ៉ាងខ្លាំងចំពោះសហប្រតិបត្តិការនេះ។ សេចក្ដីស្រឡាញ់របស់ព្រះអង្គចំពោះយើង គឺមិនអាចកាត់ថ្លៃបានឡើយ ហើយអំណាចរបស់ទ្រង់ ក៏គ្មានព្រំដែនដែរ។ ត្រូវដឹងថា ទ្រង់មិនដែលជាប់រវល់ពេក ដោយមិនបានស្ដាប់ការអធិស្ឋានរបស់អ្នកឡើយ។ ការអធិស្ឋានគឺជាការប្រកបដ៏សាមញ្ញអំពីបញ្ហាធំ ឬបញ្ហាតូចតាចបំផុតនៅក្នុងជីវិតអ្នកមួយជាមួយនឹងព្រះជាម្ចាស់។ ពុំចាំបាច់រៀបពាក្យជាផ្លូវការណាមួយដែរ។ ចូរនិយាយទៅកាន់ព្រះអង្គដូចជា ឪពុក ជាមិត្តភក្តិ ជាគ្រូបង្រៀនជាដើម។ អ្នកអាចអធិស្ឋានម្នាក់ឯង ឬជាមួយមនុស្សផ្សេងទៀត បានគ្រប់ពេលវេលា គ្រប់ទាំងបញ្ហាទាំងអស់ នៅក្នុងចិត្តស្ងាត់ៗ ឬ បន្លឺសម្លេងខ្លាំងក៏បាន។
បន្ទាប់ពីមនុស្សលោកបានបែកចេញពីព្រះជាម្ចាស់ ដោយសារបាបមក សមាសភាពរបស់ព្រះជាម្ចាស់ត្រូវបានបិទបាំង។ នៅក្នុងសញ្ញាចាស់នៃព្រះគម្ពីរ ព្រះជាម្ចាស់បានមានព្រះបន្ទូលសន្យានូវកិច្ចការជាច្រើន។ ក្នុងចំណោមសេចក្ដីសន្យាទាំងនោះ មានសេចក្ដីសន្យាមួយដែលទ្រង់បានមានព្រះបន្ទូលថា៖ «ទ្រង់នឹងប្រទានព្រះសង្គ្រោះមួយអង្គ ដើម្បីយាងមកស្តារធ្វើឲ្យមនុស្សលោកមានជីវិតវិលមករកទ្រង់វិញ» ព្រះអង្គមួយអង្គនេះមានព្រះនាមថា ព្រះមេស្ស៊ី ឬ ព្រះគ្រិស្ត ព្រះនាមទាំងនេះមានន័យថា អ្នកដែលព្រះជាម្ចាស់ចាក់ប្រេងតាំងអភិសេកឲ្យធ្វើជាស្តេច។ ទ្រង់មានព្រះបន្ទូលទៀតថា៖ «ទ្រង់នឹងប្រទានព្រះវិញ្ញាណបរិសុទ្ធដល់មនុស្សលោក»។
ចាប់ពីមានព្រះបន្ទូលសន្យានេះមក នៅក្នុងសញ្ញាចាស់ យើងអាចមើលឃើញពីការបំពេញព្រះបន្ទូលសន្យានេះកើតឡើងនៅក្នុងសញ្ញាថ្មី ដែលបានពណ៌នាពីព្រះត្រីឯក គឺ ព្រះវរបិតា ព្រះរាជបុត្រា និងព្រះវិញ្ញាណបរិសុទ្ធ ហើយអ្នកដែលទទួលបានចាក់ប្រេងតាំងឲ្យធើ្វជាស្តេចនោះ គឺព្រះយេស៊ូគ្រិស្តជាព្រះរាជបុត្រានៃព្រះជាម្ចាស់។ ព្រះវិញ្ញាណនៃព្រះជាម្ចាស់ដែលមានព្រះជន្មរស់។
មានខគម្ពីរជាច្រើនបាននិយាយអំពី ព្រះត្រីឯក ទាំងក្នុងសញ្ញាចាស់ និង សញ្ញាថ្មី។ ទាក់ទងនឹងការអធិស្ឋាន យើងត្រូវបានណែនាំឲ្យអធិស្ឋានក្នុងព្រះនាម ព្រះវរបិតា ព្រះរាជបុត្រា និងព្រះវិញ្ញាណបរិសុទ្ធ។ សូមស្ដាប់នូវព្រះបន្ទូលសន្យាដូចខាងក្រោម។
១ យ៉ូហាន ជំពូក ១ ខ ១-៣ ១ ឯសេចក្ដីដែលមានតាំងពីដើមមក ដែលយើងខ្ញុំបានឮ ហើយភ្នែកបានឃើញ ក៏បានមើល ហើយដៃបានប៉ះពាល់ ខាងឯព្រះបន្ទូលនៃជីវិត ២ ដ្បិតព្រះដ៏ជាជីវិត ទ្រង់បានលេចមកហើយ យើងខ្ញុំបានឃើញទ្រង់ ក៏ធ្វើជាទីបន្ទាល់ប្រាប់ដល់អ្នករាល់គ្នា ពីជីវិតនោះដ៏រស់នៅអស់កល្បជានិច្ច ដែលពីដើមស្ថិតនៅនឹងព្រះវរបិតា ហើយបានលេចមកឲ្យយើងខ្ញុំឃើញ ៣ ដូច្នេះ សេចក្ដីដែលយើងខ្ញុំបានឃើញ ហើយឮនោះ យើងខ្ញុំប្រាប់មកអ្នករាល់គ្នា ដើម្បីឲ្យអ្នករាល់គ្នាមានសេចក្ដីប្រកបនឹងយើងខ្ញុំដែរ រីឯសេចក្ដីប្រកបរបស់យើងខ្ញុំ នោះគឺប្រកបនឹងព្រះវរបិតា និងព្រះយេស៊ូគ្រិស្ត ជាព្រះរាជបុត្រាទ្រង់។
២ កូរិនថូស ជំពូក ១៣ ខ ១៤ ១៤ សូមឲ្យអ្នករាល់គ្នា បានប្រកបដោយព្រះគុណនៃព្រះអម្ចាស់យេស៊ូគ្រិស្ត និងសេចក្ដីស្រឡាញ់របស់ព្រះ និងសេចក្ដីប្រកបគ្នាជាមួយនឹងព្រះវិញ្ញាណបរិសុទ្ធ។ អាម៉ែន។
ការសរសើរតម្កើងៈ
ការសរសើរតម្កើងគឺជាផ្នែកមួយទៀតនៃការប្រកបជាមួយព្រះជាម្ចាស់។ វាជាការពិតណាស់ដែលយើងត្រូវអរគុណ និង សរសើរដល់មនុស្សជាច្រើនទៅតាមមូលហេតុផ្សេងៗ។ ប៉ុន្តែមានតែព្រះជាម្ចាស់មួយអង្គគត់សមនឹងទទួលការសរសើរទាំងអស់។ មានទីកន្លែងដ៏ខ្ពស់មួយដែលត្រូវបានរក្សាទុកសម្រាប់តែព្រះជាម្ចាស់មួយអង្គគត់ ដើម្បីទទួលបានការសរសើរតម្កើង។
ការដឹងគុណ និងការអរគុណនឹងចាប់ផ្ដើមកើតឡើងពីក្នុងដួងចិត្តរបស់អ្នក ក្នុងវិញ្ញាណរបស់អ្នក ទៅចំពោះព្រះជាម្ចាស់សម្រាប់កិច្ចការទាំងអស់ដែលទ្រង់បានធ្វើ ហើយនឹងបន្តធ្វើ។ ចូរអ្នកធ្វើការសរសើរតម្កើងព្រះអង្គ នៅពេលដែលអ្នកនៅម្នាក់ឯង ឬ នៅជាមួយមនុស្សដទៃទៀត សូមសរសើរតម្កើងដោយស្ងៀមស្ងាត់ ឬ បន្លឺសំឡេងខ្លាំងៗក៏បាន។
ហេព្រើរ ជំពូក ១៣ ខ ១៥ ១៥ ដូច្នេះ ត្រូវឲ្យយើងរាល់គ្នាថ្វាយពាក្យសរសើរ ដោយសារទ្រង់ ទុកជាគ្រឿងបូជាដល់ព្រះជានិច្ច គឺជាផលនៃបបូរមាត់ ដែលថ្លែងប្រាប់ពីព្រះនាមទ្រង់។
វិវរណៈ ជំពូក ១៩ ខ ៥ ៥ រួចមានសំឡេងចេញពីបល្ល័ង្កមកថា អស់ទាំងបាវបម្រើទ្រង់ និងពួកអ្នកដែលកោតខ្លាចទ្រង់ ទាំងធំទាំងតូចអើយ ចូរសរសើរដល់ព្រះនៃយើងរាល់គ្នាចុះ។
អានព្រះបន្ទូលរបស់ព្រះជាម្ចាស់ (ព្រះគម្ពីរ)
ការអានព្រះបន្ទូលព្រះជាម្ចាស់ជាប្រចាំ គឺជាដំណើរផ្សងព្រេងមួយ និងជាផ្នែកមួយដ៏សំខាន់នៃជីវិតថ្មីរបស់អ្នកនៅក្នុងព្រះអង្គ។ ព្រះអង្គបានទំនាក់ទំនងតាមព្រះហឫទ័យរបស់ទ្រង់ទៅកាន់អ្នកបម្រើរបស់ទ្រង់តាមរយៈព្រះវិញ្ញាណរបស់ទ្រង់អស់ជាច្រើនសហស្សវត្សរ៍មកហើយ។ អ្នកទាំងអស់នោះក៏បានកត់ត្រាទុកនូវព្រះបន្ទូលរបស់ទ្រង់។ នេះគឺជាអ្វីដែលគេតែងតែហៅថា បទគម្ពីរ។
២ ធីម៉ូធី ជំពូក ៣ ខ ១៦ ១៦ គ្រប់ទាំងបទគម្ពីរ គឺជាព្រះទ្រង់បានបញ្ចេញព្រះវិញ្ញាណបណ្តាលឲ្យតែងទេ ក៏មានប្រយោជន៍សម្រាប់ការបង្រៀន ការរំឭកឲ្យដឹងខ្លួន ការប្រដៅតម្រង់ និងការបង្ហាត់ខាងឯសេចក្ដីសុចរិត ។
បទគម្ពីរអាចត្រូវបានចែកចេញជាពីរផ្នែកសំខាន់ៗ គឺកណ្ឌសម្ពន្ធមេត្រីចាស់ និង កណ្ឌសម្ពន្ធមេត្រីថ្មី។ កណ្ឌសម្ពន្ធមេត្រីចាស់ គឺគ្របដណ្ដប់លើកិច្ចការ និង ដំណោះស្រាយជាច្រើនរបស់ព្រះជាម្ចាស់ តាំងពីមុនការបង្កើត និងការសំដៅលើយាងមករបស់អ្នកដែលព្រះជាម្ចាស់ចាក់ប្រេងតាំងធ្វើជាស្តេច គឺព្រះគ្រិស្ត ព្រះមេស្ស៊ី ព្រះយេស៊ូ ដែលជាព្រះសង្រ្គោះ។ កណ្ឌសម្ពន្ធមេត្រីថ្មីគ្របដណ្ដប់លើព្រឹត្តិការណ៍ជាក់ស្តែងជុំវិញពីការយាងមករបស់ព្រះយេស៊ូ (ព្រះនាមរបស់ទ្រង់ជាភាសាអារ៉ាម គឺយេស៊ូ) និង សំដៅទៅលើព្រឹត្តិការណ៍នាពេលអនាគត រាប់បញ្ចូលទាំងសេចក្តីបញ្ចប់នៃអាថ៌កំបាំងរបស់ព្រះជាម្ចាស់ និងមនុស្សលោក។
ពេលវេលានៅក្នុងការអានបទគម្ពីរទាំងអស់របស់អ្នកមានតម្លៃគួរឲ្យយកចិត្តទុកដាក់ណាស់សម្រាប់អ្នក។ នៅពេលអ្នកកំពុងចាប់ផ្ដើមជីវិតថ្មីរបស់អ្នកជាមួយនឹងព្រះជាម្ចាស់ អ្នកអាចទូលសុំទ្រង់ពីត្រង់ចំណុចដែលអ្នកត្រូវចាប់ផ្ដើមអាន។ ដំបូងបំផុត អ្នកគួរតែចាប់ផ្ដើមអាន ពីការយាងមករបស់ព្រះយេស៊ូជាព្រះសង្គ្រោះនៅក្នុងព្រះគម្ពីរកណ្ឌសញ្ញាថ្មី។ ចំណុចល្អក្នុងការចាប់ផ្ដើមនោះ គឺគួរតែអាននៅក្នុងកណ្ឌគម្ពីរដំណឹងល្អណាមួយ ដូចជា ម៉ាថាយ ម៉ាកុស លូកា ឬ យ៉ូហាន។ កណ្ឌគម្ពីរកិច្ចការរបស់ពួកសាវក គឺជាបទគម្ពីរមួយទៀតដែលត្រូវអានបន្ទាប់។
ចូរស្វែងរកនូវការបកប្រែ ឬកំណែនៃការបោះពុម្ពដែលល្អៗ។ ការបកប្រែល្អៗមួយចំនួនមានដូចជា ព្រះគម្ពីរបរិសុទ្ធ១៩៥៤, ព្រះគម្ពីរភាសាខ្មែរបច្ចុប្បន្ន២០០៥, និងព្រះគម្ពីរបរិសុទ្ធកែសម្រួល២០១៦ ជាដើម។ ត្រូវជៀសវាងការបកប្រែដែលផលិតឡើងដោយក្រុមខុសឆ្គងមួយចំនួន ដែលតែងតែនិយាយថា អ្នកត្រូវតែប្រើប្រាស់ការបកប្រែរបស់ពួកគេ ឬស្រដៀងនេះ ដែលពួកគេថា មានតែការបកប្រែរបស់ពួកគេតែមួយគត់ដែលត្រឹមត្រូវ។
យើងខ្ញុំណែនាំឱ្យអ្នកទិញច្បាប់ចម្លងនៃបទគម្ពីរដែលបានបោះពុម្ព។ ការសិក្សាមួយដែលប្រសើរ ត្រូវបានធ្វើឡើងជាមួយច្បាប់ចម្លងដែលបានបោះពុម្ពទល់នឹងច្បាប់ចម្លងអេឡិចត្រូនិក។ ពិតប្រាកដណាស់ ច្បាប់ចម្លងអេឡិចត្រូនិចក៏អាចអានបានផងដែរ។ ប៉ុន្តែការសិក្សាបានបង្ហាញថា មិនមែនគ្រាន់តែទាក់ទងនឹងការអានបទគម្ពីរប៉ុណ្ណោះទេ ការយល់ដឹងនៅពេលអានទម្រង់បោះពុម្ព គឺខ្ពស់ជាងពេលអានជាទម្រង់អេឡិចត្រូនិក។
ជាទូទៅការអានព្រះបន្ទូលព្រះជាម្ចាស់ មិនធ្វើឲ្យអ្នកបាក់ទឹកចិត្តនោះទេ ព្រោះរាល់ការអាន ដំបូងៗហាក់បីដូចមិនសូវជាពាក់ព័ន្ធនោះទេ សូមបន្តការអានរបស់អ្នកជារៀងរាល់ថ្ងៃចុះ។ ដំណើរការដំបូងៗគឺប្រៀបដូចជាការផ្គុំរបស់ចូលគ្នាដែរ។ ប្រសិនបើអ្នកមើលតែមួយជ្រុងនៃរបស់នោះ អ្នកអាចនិយាយបានថា វាអត់បានការ ឬអ្នកមិនយល់ពីវានោះទេ។ តែប្រសិនបើអ្នកបន្ថែមជ្រុងផ្សេងៗទៀតបញ្ចូលគ្នា នោះធ្វើឲ្យរូបភាពទាំងនោះកាន់តែច្បាស់ឡើង។ ដូច្នេះបទគម្ពីររបស់ព្រះជាម្ចាស់ក៏ដូចគ្នាដែរ។
ការប្រកបគ្នាជាមួយអ្នកជឿផ្សេងទៀត
អ្នកមិនមែនជាមនុស្សដំបូងដែលដើរតាមព្រះយេស៊ូទេ។ មានមនុស្សជាច្រើននាក់ទៀតដែលបានជួបទ្រង់មុនអ្នក បើគិតត្រឡប់ទៅពេលវេលានៃព័ន្ចកិច្ចរបស់ព្រះយេស៊ូនៅផែនដី។ មនុស្សមួយក្រុមនេះ រួមទាំងអ្នក ឥឡូវនេះត្រូវបានគេហៅថាពួកជំនុំ(ក្រុមជំនុំ) ឬរូបកាយនៃព្រះគ្រិស្ត។ នៅចំណុចស្នូលនៃពួកជំនុំ គឺជាក្រុមគ្រួសារខាងវិញ្ញាណមួយនៃអ្នកដើរតាមព្រះយេស៊ូដែលប្រកបគ្នា។
ពាក្យថាពួកជំនុំមានន័យត្រង់ថា៖ «ការប្រមូលផ្ដុំ» ឬ«ប្រមូលផ្ដុំ» ហើយពាក្យថាពួកជំនុំក៏ត្រូវបានប្រើសម្រាប់សំដៅលើរចនាសម្ព័ន្ធណាមួយ ឬ ក្នុងតំបន់ណាមួយដែលជាទីកន្លែងដែលអ្នកដើរតាមព្រះយេស៊ូប្រមូលផ្ដុំគ្នា។ មនុស្សម្នាក់អាចនិយាយថា ខ្ញុំកំពុងទៅព្រះវិហារ(ពួកជំនុំ)ថ្ងៃនេះ។ ប៉ុន្តែអ្វីដែលសំខាន់នោះអ្នកត្រូវចាំថា ពួកជំនុំ(ព្រះវិហារ)ដែលពិតប្រាកដនោះ គឺជាការជួបជុំគ្នារបស់អ្នកដើរតាមព្រះយេស៊ូ ដែលពួកគេជាមនុស្សនៅរស់ តគ្នាពីជំនាន់មួយទៅជំនាន់មួយទៀត។
ការដែលយើងប្រមូលផ្តុំជួបជុំគ្នានោះហើយ ជាការដែលយើងមានការប្រកបនឹងគ្នា ឬ មានទំនាក់ទំនងជាមួយគ្នាទៅវិញទៅមក។ ការប្រកបគ្នាគឺមានសារៈសំខាន់ណាស់ សម្រាប់ការលូតលាស់ខាងឯវិញ្ញាណ។ លោកិយ គឺមនុស្សដែលមិនបានទទួលការសង្គ្រោះ នឹងមិនអាចលើកទឹកចិត្តអ្នកបានឡើយក្នុងការដើរតាមព្រះយេស៊ូ។ មានមនុស្សមួយចំនួនទៀត ក៏ព្យាយាមរារាំងទំនាក់ទំនងរបស់អ្នកជាមួយនឹងព្រះយេស៊ូ។ ប៉ុន្តែ សូមអ្នកកុំបោះបង់។
យ៉ូហាន ជំពូក ១៥ ខ ១៨ ១៨បើសិនជាលោកិយស្អប់អ្នករាល់គ្នា នោះអ្នករាល់គ្នាដឹងហើយ ថាគេបានស្អប់ខ្ញុំជាមុន។
ការចំណាយពេលជាមួយគ្នាទៅវិញទៅមក នឹងជួយចម្រើនកម្លាំងដល់អ្នក។ សព្វថ្ងៃនេះមានទស្សនវិជ្ជាមួយ «ទៅតែម្នាក់ឯង» នៅក្នុងចំណោមមនុស្សមួយចំនួនដែលអាចធ្វើឲ្យមានគ្រោះថ្នាក់ ដោយនិយាយថា៖ «ខ្ញុំអាចមានទំនាក់ទំនងជាមួយព្រះជាម្ចាស់នៅកន្លែងណាដែលខ្ញុំចង់ទៅ។ ខ្ញុំមិនចាំបាច់ទៅព្រះវិហារក៏បាន។ ការគិតបែបនេះ គឺមិនត្រឹមត្រូវទេ ហើយវាមានគ្រោះថ្នាក់ដល់ខាងវិញ្ញាណរបស់អ្នកជឿ និងលើអ្នកគិតបែបនេះទៀតផង។ ចូរពិចារណាដូចខាងក្រោម។
ហេព្រើរ ជំពូក ១០ ខ ២៤ - ២៥ ២៤ ហើយត្រូវឲ្យយើងពិចារណាមើលគ្នាទៅវិញទៅមកដែរ ដើម្បីនឹងបណ្តាលឲ្យមានសេចក្ដីស្រឡាញ់ ហើយឲ្យប្រព្រឹត្តការល្អផង ២៥ ឥតលែងប្រជុំគ្នា ដូចជាអ្នកខ្លះធ្លាប់នោះឡើយ ត្រូវឲ្យកំឡាចិត្តគ្នាវិញ ឲ្យកាន់តែខ្លាំងឡើងផង តាមដែលឃើញថាថ្ងៃនោះជិតមកដល់ហើយ។
សូមស្វែងរកព្រះវិហារដែលបង្រៀនតាមបទគម្ពីរដែលជឿលើព្រះវត្តមាននៃព័ន្ធកិច្ចរបស់ព្រះវិញ្ញាណបរិសុទ្ធ គឺជាព្រះវិញ្ញាណរបស់ព្រះជាម្ចាស់។ ទូលសុំព្រះវរបិតាពីទីកន្លែងណាដែលអ្នកអាចជួបជុំគ្នាជាមួយពួកអ្នកជឿផ្សេងទៀតបាន។ ចូរស្វែករកទ្រង់ ហើយទៅព្រះវិហារណាដែលព្រះអង្គដឹកនាំអ្នកទៅ។
ការជ្រមុជទឹកដោយព្រះវិញ្ញាណបរិសុទ្ធ
ព្រះវរបិតាមានបំណងព្រះហឫទ័យឲ្យលោកអ្នកទទួលយកព្រះវិញ្ញាណបរិសុទ្ធ ដែលជាព្រះវិញ្ញាណរបស់ទ្រង់។ ចូរកុំប្រព្រឹត្តកំហុស។ ការទទួលយកព្រះវិញ្ញាណបរិសុទ្ធ គឺជាអំណោយមួយ។ ព្រះវិញ្ញាណរបស់ទ្រង់មិនត្រូវបានប្រទានឲ្យមកអ្នកដូចជាកម្រៃដែលអ្នកអាចរកបាននោះឡើយ។ ពេលដែលអ្នកទទួលយកព្រះយេស៊ូ វិញ្ញាណរបស់អ្នកត្រូវបានសម្អាតឲ្យស្អាតដោយព្រះលោហិតរបស់ទ្រង់។ ការអត់ទោសដែលសម្អាតវិញ្ញាណរបស់អ្នកនោះ ក៏មិនមែនជាកម្រៃដែលអ្នកអាចរកបាន ហើយការទទួលយកព្រះវិញ្ញាណបរិសុទ្ធក៏មិនមែនជាកម្រៃដែលអ្នកអាចរកបាននោះដែរ។ ។ ជាមួយការអត់ទោសនោះ គឺព្រះវិញ្ញាណបរិសុទ្ធយាងមកគង់នៅក្នុងអ្នក។ ប្រសិនបើអ្នកមិនទាន់បានទទួលព្រះវិញ្ញាណបរិសុទ្ធទេ ចូរអានព្រះបន្ទូលរបស់ព្រះយេស៊ូដូចខាងក្រោម។
លូកា ជំពូក ១១ ខ ១១-១៣ ១១«ក្នុងចំណោមអ្នករាល់គ្នា បើកូនសុំត្រីមិនដែលមានឪពុកណាយកពស់អសិរពិសឲ្យវាទេ ១២ បើកូនសុំពងមាន់ ក៏មិនដែលមានឪពុកណាយកខ្យាដំរីឲ្យវាដែរ។ ១៣ សូម្បីតែអ្នករាល់គ្នាដែលជាមនុស្សអាក្រក់ ក៏ចេះឲ្យរបស់ល្អៗទៅកូន ចុះចំណង់បើព្រះបិតាដែលគង់នៅស្ថានសួគ៌ តើព្រះអង្គនឹងប្រទានព្រះវិញ្ញាណបរិសុទ្ធ ឲ្យអស់អ្នកដែលទូលសូមពីព្រះអង្គយ៉ាងណាទៅទៀត»។
ពិធីជ្រមុជទឹកនៅក្នុងទឹក
បើសិនជាយើងមើលពីស្ថានភាពមនុស្សលោកដោយភាពស្មោះត្រង់បំផុត វាមិនចំណាយពេលយូរនោះទេក្នុងការដែលអាចឃើញពីឫសគល់នៃបញ្ហាដែលចេញពីធម្មជាតិរបស់ពួកគេ។ ការស្អប់របស់ពួកគេ ចំពោះគំនិតប្រាជ្ញារបស់ព្រះជាម្ចាស់ មានតាំងពីដើមមកហើយ។ ការកុហក ការលួច ការស្អប់ ការបង្កគ្រោះថ្នាក់ ការមិនគោរព ការព្រងើយកន្តើយចំពោះព្រះជាម្ចាស់ និងក្នុងចំណោមលក្ខណៈជាច្រើនផ្សេងទៀត ត្រូវបានរកឃើញយ៉ាងងាយស្រួល។ ហេតុអ្វី?
និន្នាការនេះគឺត្រូវបានស្គាល់ថា ជាបាបពីធម្មជាតិ ។ នេះមិនមែនបានន័យថា គ្រប់គ្នាអាក្រក់នោះទេ ប៉ុន្តែក៏មិនមែនបានន័យថាគ្រប់គ្នាល្អដែរ។ នៅពេលដែលព្រះយេស៊ូ ព្រះមេស្ស៊ី(ព្រះគ្រិស្ត)ជាអ្នកដែលព្រះជាម្ចាស់ចាក់ប្រេងតាំងអភិសេកធ្វើជាស្តេច បានយាងមក ទ្រង់បានយកឈ្នះលើកម្រិតនៃភាពមិនល្អឥតខ្ចោះនេះ ដោយរស់នៅក្នុងជីវិតដ៏ល្អឥតខ្ចោះ។ ទ្រង់ចាប់កំណើតមកដោយគ្មានបាបពីធម្មជាតិសោះ។ ទ្រង់ប្រសូតមកពីព្រះបិតាតាមរយៈផ្ទៃនាងព្រហ្មចារី ម៉ារី ហើយទ្រង់ឈ្នះលើបាបគ្រប់ពេលទាំងអស់ ជាពិសេសសម្រាប់អ្នកដែលជ្រកកោននៅក្នុងទ្រង់។
ជីវិតដែលទ្រង់បានប្រទានមកយើង គឺឲ្យយើងមានសេរីភាព ពីបាបពីធម្មជាតិ តាមរយៈព្រះយេស៊ូគ្រិស្ត។ ផ្នែកមួយនៃការអនុវត្តសេរីភាពនេះកើតឡើងតាមរយៈពិធីជ្រមុជទឹកនេះឯង។
រ៉ូម ៦៖១-៤ ១ដូច្នេះ យើងនឹងថាដូចម្តេច តើត្រូវឲ្យយើងចេះតែប្រព្រឹត្តអំពើបាបទៅទៀត ដើម្បីឲ្យព្រះគុណបានចំរើនឡើងឬអី ២ទេ មិនត្រូវឡើយ ធ្វើដូចម្តេចឲ្យយើងដែលស្លាប់ខាងឯអំពើបាបហើយ បាននៅរស់ក្នុងអំពើបាបទៀតបាន ៣តើអ្នករាល់គ្នាមិនដឹងទេឬអី ថា យើងទាំងប៉ុន្មានដែលបានទទួលបុណ្យជ្រមុជក្នុងព្រះយេស៊ូគ្រិស្ត នោះគឺបានទទួលជ្រមុជក្នុងសេចក្ដីសុគតនៃទ្រង់ដែរ ៤ដូច្នេះ យើងបានត្រូវកប់ជាមួយនឹងទ្រង់ហើយ ដោយទទួលជ្រមុជក្នុងសេចក្ដីស្លាប់ ដើម្បីឲ្យយើងបានដើរក្នុងជីវិតបែបថ្មី ដូចជាព្រះគ្រិស្តបានរស់ឡើងវិញ ដោយសារសិរីល្អនៃព្រះវរបិតាដែរ។
២ កូរិថូស ជំពូក៥ ខ១៧ ដូច្នេះ បើអ្នកណានៅក្នុងព្រះគ្រិស្ត អ្នកនោះកើតជាថ្មីហើយ អ្វីៗដែលចាស់បានកន្លងផុតទៅ មើល៍ អ្វីៗទាំងអស់បានត្រឡប់ជាថ្មីវិញ!
កូល៉ុស ជំពូក២ ខ៨-១២ ៨ ចូរប្រយ័ត្ន ក្រែងមានអ្នកណាម្នាក់ចាប់អ្នករាល់គ្នាជារំពា ដោយប្រើទស្សនវិជ្ជា និងពាក្យបោកបញ្ឆោតឥតខ្លឹមសារ តាមទំនៀមទម្លាប់របស់មនុស្ស តាមវិញ្ញាណបឋមសិក្សារបស់លោកិយ គឺមិនតាមព្រះគ្រិស្តទេ។ ៩ដ្បិតគ្រប់ទាំងសេចក្តីពោរពេញរបស់ព្រះ សណ្ឋិតជារូបរាងនៅក្នុងព្រះគ្រិស្ត ១០ ហើយអ្នករាល់គ្នាបានពេញលេញក្នុងព្រះអង្គ ដ្បិតព្រះអង្គជាសិរសាលើពួកគ្រប់គ្រង និងពួកមានអំណាចនានាទាំងអស់។ ១១ នៅក្នុងព្រះអង្គ អ្នករាល់គ្នាបានទទួលកាត់ស្បែក ដែលមិនមែនធ្វើដោយដៃមនុស្សទេ គឺជាការកាត់ស្បែកខាងព្រះគ្រិស្ត ដោយដោះរូបកាយខាងសាច់ឈាមនេះចេញ។ ១២ ពេលអ្នករាល់គ្នាបានកប់ជាមួយព្រះអង្គនៅក្នុងពិធីជ្រមុជទឹក នោះអ្នករាល់គ្នាក៏បានរស់ឡើងវិញជាមួយព្រះអង្គដែរ ដោយសារជំនឿលើព្រះចេស្ដារបស់ព្រះ ដែលបានប្រោសព្រះគ្រិស្តឲ្យមានព្រះជន្មរស់ពីស្លាប់ឡើងវិញ។
តាមរយៈព្រះយេស៊ូ ទាសភាពរបស់អ្នកចំពោះបាបពីធម្មជាតិ ឬរូបកាយនៃសាច់ឈាមដែលមានតាំងពីកំណើតនៅក្នុងមនុស្សជាតិទាំងអស់ត្រូវបានបំផ្លាញ។ ពិធីបុណ្យជ្រមុជទឹក គឺជាផ្នែកមួយនៃដំណើរការនោះ។
ទាក់ទងនឹងលក្ខណៈជាក់លាក់នៃពិធីបុណ្យជ្រមុជទឹក មានមតិខុសគ្នាអំពីរបៀបដែលពិធីបុណ្យជ្រមុជទឹកគួរតែត្រូវបានអនុវត្ត ការជ្រមុជទឹកនៅក្នុងទឹក ឬគ្រាន់តែជាការប្រោះទឹក។ ព្រះគម្ពីរបាននិយាយសំដៅចំៗតែម្ដងថាមនុស្សគ្រប់គ្នាត្រូវទទួលពិធីជ្រមុជទឹកនៅក្នុងទឹក មិនមែនប្រោះទឹកនោះទេ។